Luftoi për atdheun në Mariupol, vritet kampioni ukrainas i arteve marciale

Kampioni i arteve marciale, Yegor Birkun, i cili ishte pjesë e kombëtares së Ukrainës, u vra ditën e sotme në Mariupol.

Lajmi u bë me dije nga Federata Ukrainase e Arteve Marciale në faqen e saj në Facebook, cituar nga UNIAN.

Sportisti ditën e sotme do të merrte pjesë në kombëtaren e Ukrainës në Kampionatin Botëror të Gma Mma, por për shkak të luftës planet e tij kishin ndryshuar.

“Anëtari i kombëtares së Ufmma të Ukrainës, Yegor Birkun vdiq duke mbrojtur Mariupolin. Trim, i fortë, besnik. Kujtimi i përjetshëm i heroit”, shkruhej në njoftim.