Një amerikan është vrarë këtë javë teksa po luftonte përkrah forcave ukrainase. Lajmi është bërë me dije sipas familjes së tij.
Gjithashtu, sipas CNN mësohet se 22-vjeçari, Willy Joseph Cancel, ishte duke bashkëpunuar me një kompani private kontraktuese ushtarake kur u vra të hënën.
“Kompania nga Amerika e dërgoi atë në Ukrainë, ai po paguhej për të luftuar atje”, tha e ëma, Rebecca Cabrera.
Cancel, një ish-marins amerikan u regjistrua për të punuar për kompaninë private kontraktuese ushtarake pak para se të shpërthente lufta në Ukrainë, tha e ëma.
Kur filloi lufta, kompania ushtarake, sipas Cabrera, po kërkonte kontraktorë për të luftuar në Ukrainë dhe Cancel pranoi të shkonte në Ukrainë.
“Ai donte të kalonte sepse besonte në atë për të cilën po luftonte Ukraina, dhe donte të ishte pjesë e saj për ta mbajtur atë atje, në mënyrë që të mos vinte këtu, dhe se ndoshta ushtarët tanë amerikanë nuk do të duhej të përfshiheshin në të”.
Discussion about this post