Ditën e sotme startojnë ndeshjet e dyta në grupet e Kampionatit Evropian ‘Euro 2024’.
Katër ekipet përfaqësuese të Grupit A do të zbresin në fushë në sfidat e dyta të tyre.
Duke filluar nga ora 18:00, vendi organizator i Evropianit, Gjermania do të përballet me Hungarinë në MHP Arena në Stuttgart.
Gjermanët kërkojnë fitoren për të kaluar më tej, ndërsa hungarezët janë në kërkim të pikëve të para pas humbjes në ndeshjen e parë.
Ndërkohë, nga ora 21:00 në fushë zbret Zvicra e shqiptarëve Granit Xhaka, Xherdan Shaqiri dhe Ardon Jashari.
Helvetët do të përballen me Skocinë, ku synimi është të marrin tre pikët për të kaluar tutje.
Zvicra ka tre pikë dhe synon edhe një fitore për të siguruar kualifikim në grup, ndërsa skocezët pas humbjes në ndeshjen e parë kërkojnë pikët e para në Euro 2024.
Discussion about this post