Ditën e sotme do të luhen një pjesë e ndeshjeve të javës së shtatë të Seria A. Skuadra e lojtarit shqiptar Frederik Veselit, Salernitana do të presë në orën 15:00 ekipin e Genoas. Ekipi i Veselit duket se nuk ka pasur aspak ecuri pozitive duke u renditur në vendin e fundit të tabelës me vetëm 1 pikë në 6 ndeshje të luajtura. Ndërsa kundërshtarët e tyre renditen të 16-ët me vetëm pesë pikë.
Ndërsa kjo sfidë pritet të jetë interesante dhe të dyja skuadrat do mundohen për tre pikët që do u jepnin mundësinë që të afrohen sa më shumë te mbijetesa ende nuk dihet a do aktivizohet mbrojtësi kuqezi në këtë takim.
Në orën 18:00 do të zhvillohet një tjetër takim i Seria A, ku do ndeshjet skuadra e një tjetër lojtari shqiptar. Torino i Etrit Berishës do të përballet me Juventusin në derbin e Torinos, në një sfidë që sa e vështirë po aq e thjeshtë duket në të njëjtën kohë.
Të dyja këto skuadra kanë nga tetë pikë, ndërsa duket se ‘Zonja e Vjetër’ është në luftë me veten për t’u rikthyer aty ku asaj i takon.
E ndërsa na ndajnë disa orë nga kjo sfidë ende nuk dihet nëse gardiani i portës kuqezi do të luajë, megjithatë gjendja shumë e mirë e tij e treguar në ndeshjet e Kombëtares janë një nxitës për të menduar se do ta shohim sot duke mbrojtur portën e Torinos./K.T/Gijotina.com
