Ish-trajneri i Spanjës (2019-2022), Luis Enrique, tashmë në krye të Paris Saint-Germain-it, është pyetur këtë të premte, gjatë pragsfidës me Lens, për polemikat që kanë përfshirë presidentin e Federatës Mbretërore Spanjolle të Futbollit, Luis Rubiales, i cili refuzoi të jepte dorëheqjen nga posti i tij pas puthjes në gojë (kundër dëshirës së saj) të Jennifer Hermoso-s gjatë ceremonisë së dhënies së medaljeve për Spanjën si kampione botërore në futbollin e femrave.
Ndryshe nga zërat që u bashkuan në kritikat e ashpra ndaj presidentit të RFEF-së, Lucho kujtoi punën “fantastike” që Rubiales ka bërë gjatë qëndrimit në krye të organizatës dhe konsideroi se “i njihte gabimet” e bëra. më vonë duke refuzuar të vazhdojë të japë një opinion për temën që ka mbushur lajmet spanjolle ditët e fundit:
“Nëse më duhet të bazohem në përvojën time, sepse ai ka qenë me federatën për shumë vite, puna që ka bërë ndër vite ka qenë e jashtëzakonshme, ai e ka ngritur federatën në horizonte të reja, përveç rezultateve në fushë. Shifrat flasin vetë.
Unë do të thoja që ka bërë një punë fantastike. Për sa i përket episodit të ndeshjes së fundit [finalen e Botërorit për Femra], besoj se vetë presidenti i ka kuptuar gabimet e tij. Nuk mendoj se është e nevojshme të jap mendimin tim për këtë çështje.”
Discussion about this post