Luiz Ejlli në “Dancing With The Stars”? Zbulohen detajet

“Dancing With the Stars” do të startojë së shpejti në ekranin e Top Channel në sezonin e tij të dytë. Programi më popullor i kërcimit në botë, me patentë të BBC, pritet të ketë emra të njohur të showbizz-it.

Edhe pse janë përfolur shumë emra të njohur, akoma nuk është bërë publik asnjë nga konkurrentët që do të bëhen pjesë e këtij edicioni.

Kasti bën bashkë emra nga fusha e TV, muzikës, aktrimit, yje të rrjeteve sociale, sportistë, që kanë një karrierë të njohur kombëtare dhe ndërkombëtare.

Edhe juria e “Dancing With the Stars” ende nuk është bërë publike nga produksioni, por dihet që do ketë emra të njohur, profesionistë dhe personalitete të ekranit shqiptar.

Stafi i programit ka nisur punën për spektaklin e kërcimit. Këtë e konfirmoi ditën e djeshme përmes një videoje në Instagram, fituesi i BBV2, Luiz Ejlli. Videoja ngriti menjëherë dyshimet nëse Luizi do të jetë pjesë e DWTS2. Për konfirmim, na duhet të presim edhe pak.