Atletja Luiza Gega vendosi një rekord të ri në kampionatin europian. Ndërkaq qytetarët kanë dal te kryeministria dhe janë duke pritur që të vijë sportistja Gega.
“Është një kampione dhe duhet të vlerësohet nga shteti”, është shprehur një qytetar.
Ndërkohë kryeministri Edi Rama nëpërmjet një statusi në Facebook falënderon sportisten Gega. “Faleminderit Luizë”, shkruan kryeministri.
Gega po shkon drejt kryeministrisë me një makinë dhe duket shumë e lumtur, teksa mban flamurin kuqezi. Në makinë shoqërohet dhe ministrja Kushi.
Luiza Gega shkëlqeu në Mynih me një paraqitje fantastike në garën e 3000 m me pengesa. Atletja kuqezi, shënoi kohën 9’11”31, në një garë që e dominoi nga fillimi e deri në fund. Një rezultat i jashtëzakonshëm për Gegën dhe atletikën shqiptare, e cila u ngjit në majën e Europës.
Discussion about this post