Luiz Ejlli ka zbuluar që ditën e parë që ka nisur “Fan Club Dancing Ëith The Stars” se e mbështet Kiara Titon në këtë rrugëtim të saj.
Madje ai çdo të diel, pak para se të nisë transmetimi live, bën një foto apo video që e publikon në rrjetet e tij sociale dhe u bën thirrje fansave që t’a ndjekin.
Nëse ndodhet në Shqipëri apo jashtë vendit, këngëtari i njohur gjen gjithmonë mundësinë për t’u bërë thirrje të gjithëve që t’a dërgojnë televizorin te Top Channel për të ndjekur “Fan Club” me moderatoren e njohur.
Gjithashtu Luizi e shoqëron Kiarën edhe në Top Channel dhe ka raste kur ka qëndruar edhe te publiku.
E sigurisht që edhe sot Ejlli ka bërë postime në “Instastory” në lidhje me këtë. Fillimisht ai ka publikuar një foto, krahas së cilës shkruan:
“Fan Club nga Kiara Tito emisioni më i ndjekur në Top Channel”.
Ndërsa më pas ka bërë një video, në të cilën shprehet se i bëhet ‘zemra mal kur sheh që emisioni i Kiarës është më i ndjekur dhe më i pëlqyeri’. E teksa “Fan Club DËTS” po i vjen fundi, Luizi shprehet se në janar e pas do merrni vesh se ku do e shihni sërish moderatoren.
“Zemra mal kur shoh që emisioni Fan Club i Kiarës është më i ndjekuri, më i pëlqyeri. Faleminderit të gjithëve që e keni ndjekur, faleminderit gjithëve, gjithëve pa përjashtim. Po i vjen fundi. Se ku do e shohim Kiara Titon prapë, këto dhe të tjera në janar dhe mbrapa. Faleminderit edhe një herë”, shkruan Luizi
Discussion about this post