Asgjë nuk është bërë, por diskutimet mbeten të hapura. Drejtori i Interit, Piero Ausilio, u rikthye në Itali pasdite pas blitz-it në Londër, ku u takua me Chelsean. Në këtë samit të parë të merkatos me drejtuesit e Bluve, Interi kërkoi rinovimin e huazimit të Romelu Lukakut dhe huazimin e ish-Napoli Kalidou Koulibaly. Përgjigja ishte ‘jo’ por negociatat mbeten të hapura dhe palët do të dëgjojnë njëra-tjetrën në javët në vijim.
Qëndrimi i sulmuesit belg te klubi zikaltër (me një zbritje në tetë milionët e rënë dakord për këtë sezon) dhe ardhja e senegalezit për të përforcuar mbrojtjen pas lamtumirës së Skriniar janë dy objektivat në krye të listës së klubit për këtë sezon të merkatos. Pas mbërritjes së tij në Milano, Ausilio nuk bëri asnjë deklaratë përsa i përket bisedimeve.
Tema Onana nuk u prek. Për momentin, portieri ka mbetur jashtë diskutimeve me Chelsean, klub i cili prej kohësh është i interesuar për lojtarin, si dhe nuk ka pasur kontakte me Manchester United, të cilët, siç raporton Guardian, kanë synuar kamerunasin për të zënë vendin e De Geas dhe është gati të sfidojë blutë në tregun e transferimeve. Vlerësimi i Onanës, pas sezonit mjaft pozitiv, arriti në 70 milionë euro. Nuk përmendet Dumfries, një tjetër zikaltër që pëlqehet nga dy-herë kampionët e Europës.
Interi ka vendosur të blejë Raoul Bellanova nga Cagliari pas sezonit të tij të parë në huazim, në të cilin ai bëri 22 paraqitje mes Serie A, Champions League, Kupë dhe Superkupë të Italisë për një total prej 657 minutash në fushë. Mbrojtësi i krahut kishte ardhur në formën e huazimit prej 3 milionë eurosh me një të drejtë shlyerje të caktuar në 4 milionë.
Discussion about this post