Me golin e Lukakut, ndaj Portos, në ndeshjen e fazës 1/8 të Champions League, Interi i Milanos ka një avantazh të lehtë në rrugën drejt çerekfinaleve. Ky gol ka gëzuar shumë popullin “zikaltër” por gjithashtu ka bërë të lumturohet e gjithë Italia. Dikush, ka për të pyetur, “përse?”.
Epo, përgjigja është shumë e thjeshtë, me fitoren e Interit, janë tre fitore të skuadrave të Serisë A në ndeshjet e para të fazës 1/8 të kompeticionit më të rëndësishëm të futbollit për klube në Europë.
Ky triumf, ka ardhur pas sukseseve të Napolit dhe Milanit, respektivisht ndaj Frankfurtit dhe Tottenhamit duke vendosur kështu një rekord historik. Këto fitore janë me vlerë dhe për sa i përket rënditjeve UEFA për klube si dhe për kampionate.
Discussion about this post