Romelu Lukaku nesër pritet të nënshkruajë kontratën me ekipin e ri, Romën. Mediumi belg, Laatste Nieuws raporton se nesër Lukaku do të udhëtojë për në Romë.
“Nesër do të shkojë në Romë për të nënshkruar kontratën”, konfirmuar vetë Lukaku. Lukaku ishte pranë kalimit te Juventusi javë më parë, por kjo lëvizje nuk u realizua.
Chelsea dhe Roma aktualisht janë duke finalizuar detajet e fundit në lidhje me të gjitha dokumentet e nevojshme për arritjen e marrëveshjes.
Ndërkohë, Romelu Lukaku tashmë ka rënë dakord për këtë lëvizje dhe tashmë ka konfirmuar zyrtarisht udhëtimin e tij të ardhshëm në kryeqytet.
“Nesër do të fluturoj për në Romë për të nënshkruar kontratën time”, deklaroi Lukaku në një intervistë për Laatste Nieuws.
Roma pritet të mirëpresë Lukakun në bazë të një huazimi të thatë pa opsion apo detyrim blerjeje. Klubi roman do të mbulojë plotësisht pagat e tij dhe do të paguajë një tarifë të vogël huazimi te Chelsea.
Gijotina.com/
Discussion about this post