Romelu Lukaku ka zemëruar shumë tifozë të Interit, me mënyrën se si “i ka dhënë lamtumirën” klubit, këtë verë.
Të shumta ka qënë kritikat për belgun, i cili tashmë është shumë pranë Romës së Mourinhos, është në qëndër të vëmëndjes për besnikërinë e pakët që tregon për ekipet me të cilat aktivizohet.
Ish-mbrojtësi i Interit, Daniele Adani ka folur për largimin e Romelu Lukakut nga klubi zikaltër. Ai është shprehur se ndjehet i zhgënjyer nga ai si person.
“Të them të drejtën kujtoja se Lukaku ishte një njeri me vlera, një njeri i fjalës. Por në 2-3 vitet e fundit kam vënë re që ka ndryshuar shpesh mendim e qëndrim, duke u udhëhequr nga interesat momentale.
Ka zhgënjyer shokët e skuadrës, tifozët dhe drejtuesit te Interi. Jam shumë kurioz ta dëgjoj të flasë e të shoh çfarë do të thotë, por kam mbetur i zhgënjyer nga ai si person”, u shpreh Adani.
Discussion about this post