Trajneri i Chelsea, Thomas Tuchel është shprehur i befasuar me intervistën e fundit të dhënë nga Lukaku, i cili tha se nuk ndihet i lumtur te ‘blutë’ e Londrës.
Lukaku befasoi gjithë botën e futbollit të enjten mbrëma në një intervistë bombastike që dha për një media italiane.
Sulmuesi belg zbuloi se nuk ndihet i lumtur te Chelsea dhe nuk po e gjen veten dhe formën nën urdhrat e gjermanit Tuchel.
Ai gjithashtu u kërkoi falje tifozëve të Interit, teksa nuk përjashtoi një rikthim të mundshëm te ziklatërit.
I menjëhershëm ka qenë reagimi i trajnerit të Chelseat, Tuchel, i cili ndihet i befasuar me fjalët e Lukakut dhe tha se do të flas personalisht me të.
“Të jemi të sinqertë, nuk më pëlqen sepse sjell zhurmë që nuk na duhen. Është e lehtë t’i heqësh rreshtat jashtë kontekstit. Sigurisht që nuk më pëlqen, është zhurmë që nuk kemi nevojë dhe nuk ndihmon”, ka thënë Tuchel.
“Me Lukakun do të flasim hapur pas dyerve të mbyllura. Jam i befasuar sepse nuk e shoh të pakënaqur por është e kundërta”.
“Ne këtu mund të marrim kohë për të provuar të kuptojmë se çfarë po ndodh me Romelun, kjo nuk pasqyron qëndrimin e përditshëm”.
“Nëse je një lojtar kaq i madh siç është Romelu, ai me siguri e di se çfarë lloj vlere ka kur flet”, përfundoi trajneri gjerman.
Discussion about this post