Bjellorusia nuk e ka mbajtur të fshehtë faktin se është e rreshtuar në krahun e Rusisë, në luftën që kjo e fundit po zhvillon në Ukrainë. Deklaratat e fundit të liderit të Bjellorusisë, kanë shkaktuar, jo pak debat, për arsye, të tonit kërcënues që ato kanë.
Ukraina mund të humbasë të gjithë territorin e saj nëse vazhdon luftën me Rusinë, ka deklaruar së fundmi presidenti bjellorus Alexander Lukashenko në një intervistë.
Sipas tij, Kievi duhet “të lëvizë drejt paqes”, gjë që sipas tij duhet të shërbejë si “hapi i parë” i zgjidhjes së situatës.
“Teksa luftojnë për këto territore, ukrainasit do t’i humbasin ato,” tha ai, duke treguar fillimisht rajonet e reja të Rusisë në hartën e Ukrainës.
Lukashenko shtoi se Ukraina mund të vazhdojë të luftojë për territoret që i konsideron të sajat, por sipas tij “duhet të zgjidhet një metodë tjetër”.
Discussion about this post