Presidenti i Bjellorusisë, Alexander Lukashenko ka konfirmuar se Ukraina është sulmuar me raketa të cilat janë lëshuar nga shteti i tij. Ai po ashtu ka kërcënuar se mund t’i bashkohet Rusisë në luftën kundër Ukrainës, kanë raportuar mediet e huaja.
Përveç tjerash, ai ka treguar se ushtarët rusë të cilët janë plagosur nga luftimet Rusi-Ukrainë, janë duke u trajtuar në spitalet bjelloruse. Luftimet mes dy vendeve po vijojnë tash e sa ditë, luftime të cilat kanë shtyrë shtetet e perëndimore të vënë sanksione të ashpra kundër Rusisë, si pasojë e veprimeve të kësaj të fundit.
Discussion about this post