Presidenti i Bjellorusisë, Alexander Lukashenko, beson se Perëndimi po përdor emigrantët si një mjet për të shpërqendruar ushtrinë bjelloruse në rast të një konflikti Rusi-Ukrainë. Ai thekson se nëse Ukraina do të nisë një luftë me Rusinë, Bjellorusia nuk do të qëndrojë indiferente, ndaj për këtë ai beson se ushtria bjelloruse po shpërqendrohet dhe po mbahen nën presion.
“Ata e dinë mirë se nëse Ukraina përpiqet të fillojë një konflikt me Rusinë, Bjellorusia nuk do të mbetet një spektator boshe. Për këtë arsye, ushtria bjelloruse duhet të shpërqendrohet dhe të mbahet nën presion në kufirin perëndimor,” shprehet Lukashenko.
Lukashenko shprehet se veprimet e Perëndimit do të konfirmojnë saktësinë e parashikimit të tij. Ai kujtoi se kishte porositur ministrin e Mbrojtjes dhe shefin e Gardës Kufitare që të mos i nënshtrohen provokimeve apo të provokojnë konflikte apo përplasje. Në të njëjtën kohë, ministri i mbrojtjes dhe shefi i Shtabit të Përgjithshëm u urdhëruan të hartojnë një plan për hakmarrje ndaj një agresioni të mundshëm dhe veprimeve të paligjshme ndaj Bjellorusisë.
“Me sa duket, Perëndimi është i shqetësuar se fluksi ynë i emigrantëve është lehtësuar. Ata i kishin përdorur këta njerëz (siç mund ta shohim tashmë) për të adresuar problemet e tyre të brendshme dhe për të na mbajtur në gatishmëri,” u shpreh ai.
Lukashenko tha se rojet kufitare gjetën trupat e dy emigrantëve të mbetur në kufi gjatë fundjavës.
“E fusin një trup në një thes gjumi, ose ndoshta një person që ishte ende gjallë dhe e hedhin në kufi. Sa e neveritshme, “tha Lukashenko.
Rojet kufitare lituaneze hodhën poshtë pretendimin e Lukashenkos, duke deklaruar se autoritetet bjelloruse ishin përpjekur vazhdimisht të organizonin rrahjen, gjymtimin ose vdekjen e emigrantëve dhe të fajësonin Lituaninë për një “trajtim çnjerëzor”.
Discussion about this post