Ish-kryedemokrati Lulzim Basha është akuzuar nga grupi i Berishës se ai është shpallur non grata nga Shtetet e Bashkuara të Amerikës. Disa politikanë të rreshtuar me “Foltoren” e Berishës akuzuan Bashën se nuk është i dëshiruar në SHBA.
Mirëpo, ish-kryetari i Partisë Demokratike, Lulzim Basha ka udhëtuar drejt Shteteve të Bashkuara të Amerikës, duke bërë që akuzat ndaj tij të dalin blof. Në disa foto të shpërndara në rrjete sociale, Basha është shfaqur në një aktivitet në Uashington.
Siç shihet nga pamjet, ai shfaqet pranë Presidentes së BERZH-it, Renaud-Basso në Qendrën Amerikane për Studime Strategjike.
Pak muaj më parë, Basha mori një ftesë publike nga Gabriel Escobar, Sekretar i Shtetit për Çështjet Europiane dhe Euroaziatike. Por nuk dihet nëse Basha ka udhëtuar drejt SHBA-së me ftesë të Escobar.
Discussion about this post