Lumi Seman ka dalë nga shtrati ditën e sotme si pasojë e reshjeve të vazhdueshme që kanë rritur nivelin e ujit në të. Si pasojë fshati Samaticë në Berat është përmbytur. Ndërsa situata shfaqet problematike dhe në Poçem ku stacioni i pompimit të ujit të pijshëm dhe nënstacioni elektrik ka ndaluar së funksionuara, duke lënë pa furnizim me energji elektrike të paktën 3700 familje të zonave Hekal, Kutë, Selitë dhe Fratar.
Fermerët e zonave problematike shprehen se i kanë paraprirë situatës së rënduar nga moti i keq duke siguruar ushqimin e nevojshëm për blegtorinë. Bëhet fjalë për zonat Suk, Arapaj dhe fshatra që përshkruhen nga Lumi Vjosa, si në Kashisht, Sheqmusalal, Frakull , Qarr, fermerët e të cilëve po menaxhojnë situatën shqetësuese nga reshjet e vazhdueshme.
Discussion about this post