Lushnje/ Tymi mbulon zonën, të asfiksuarit jashtë rrezikut për jetën

Qendra tregtare ‘Metropol’ është përfshirë nga flakët mesditën e së hënës në Lushnje, duke bllokuar dhjetëra njerëz që ndodheshin në të.

Gazetarja e ABC News, Valbona Davidhi raporton se situata mbetet kaotike, teksa disa persona janë asfiksuar nga tymi.

Nuk ka të dhëna për persona të lënduar rëndë, ndërsa mësohet se rreth 40 persona janë bllokuar brenda apartamenteve.

“Situata duket kaotike. Disa persona kanë pësuar asfiksim, nuk kemi të dhëna nëse ka të lënduar në gjendje të rëndë. Kemi të bëjmë me përfshirjen e dy pallateve shumëkatëshe, mes së cilave është qendra tregtare.  Nuk rrezik nga zjarri, por nga tymi i dendur”, raportoi ndër të tjera gazetarja Davidhi.