Daniel Dubois ka thënë se ndihej si fitorja i është vjedhur pasi sfida e tij për titullin botëror në peshën e rëndë përfundoi me humbje nga ukrainasi Oleksandr Usyk në një natë dramatike para 40,000 tifozëve të zhurmshëm në Poloni.
Britaniku e gjunjëzoi kampionin në raundin e pestë të diskutueshëm, por në një goditje që u cilësua si e ulët.
Me Usykun që përkulej nga dhimbja në ring, arbitri vendosi që gjuajtja,e cila u duk se u ul në vijën e brezit, të cilësohej një goditje e ulët.
Ukrainasi 36 vjeçar rifitoi kontrollin dhe e rrëzoi 25-vjeçarin me një sërë goditjesh në raundin e tetë në Tarczynski Arena, Wroclaw, përpara se gjyqtari të ndalonte ndeshjen pas një tjetër nokdaun në raundin e nëntë.
‘Unë nuk mendoja se ishte një goditje e ulët, mendova se u përkul’, deklaroi Dubois pas përleshjes.
‘Ma vodhën fitoren, por do të rikthehem përsëri’, ka shtuar më tej britaniku.
Oleksandr Usyk ka mbrojtur tituj WBA, WBO, IBF dhe IBO në peshat e rënda, duke mposhtur Daniel Duboisin në raundin e nëntë.
Discussion about this post