Deputeti lushnjar, Saimir Korreshi ka goditur sërish ditën e sotme me deklaratat e bëra në Kuvend. Tema e prekur prej tij mbetet ajo e spitalit të Lushnjës, ku sipas deputetit, për të bërë një vaksinë “Pfizer”, duhet patjetër të fusësh mikun, ndërsa për bërjen e skanerit qëndrohet në pritje për 2 javë.
Më tej Korreshi ka bërë një tjetër deklaratë, lidhur me kushtet në të cilat spitali ndodhet duke pohuar se nëpër rrugë nuk ka mace, pasi ato janë dërguar në spital të hanë minjtë.
Kjo tregon dhe një herë tjetër revoltën e deputetit të opozitës në lidhje me problematikat që transmetohen nga qytetarët lushnjarë.
Deklarata e Korreshit
“Dua të falënderoj mjekët, por jo drejtuesit, për punën ë bërë në pandemi. Ju ftoj të vini e të shihni urgjencën, nuk iu kërkoj shumë kohë, vetëm atë që kaloni në parukeri. Ju qeshët herën e parë për macet, ato tashmë nuk janë më, pasi janë dërguar në spital të hanë minjtë”.
