Një kafshë shtëpiake e një gruaje britanike që të enjten festoi ditëlindjen e saj të 32-të mund të jetë macja më e vjetër e gjallë në botë.
Lila Brissett, 71 vjeç, nga Norwich, Angli, tha se macja e saj, Rosie, ka lindur më 1 qershor 1991 dhe e festoi ditëlindjen e saj të 32-të të enjten me një tortë me salmon të përgatitur nga një pronar lokal i një kafeneje macesh.
“Ajo e ka ngrënë gjysmën e tortës së salmonit tashmë – pres që ajo të zgjohet në drekë dhe të hajë pjesën tjetër”, tha Brissett, duke shtuar: “Nuk do të mbetet asgjë deri në drekë, mos u shqetësoni”, shkruan UPI.
Brissett e adoptoi Rosie-n kur ajo ishte vetëm një kotele dhe tha se macja ka qenë tek veterineri vetëm dy herë – herën e parë për t’u sterilizuar në vitin 1991 dhe herën e dytë rreth pesë vjet më parë për t’u trajtuar për një cist.
Lila deklaroi se ajo ka qenë në kontakt me Rekordet Botërore Guinness për certifikimin e Rosie si macja më e vjetër e gjallë.
Mbajtësja aktuale e rekordeve, një banore tjetër e Anglisë e quajtur Flossie, ishte 26 vjeç e 316 ditë kur u certifikua në nëntor 2022.
Discussion about this post