Presidenti francez, Emmanuel Macron konfirmoi se Parisi do të mbetet kundër marrëveshjes tregtare mes BE-së dhe Mercosur, ndërkohë që Franca do të marrë presidencën e radhës së Bashkimit Europian në fillim të vitit 2022.
Kundërshtimi i presidentit francez bazohet gjithmonë në mbrojtjen e klimës dhe ët biodiversitetit.
“Franca është kundër Mercosur kështu si është negociuar sot. Jo sepse nuk jemi të kënaqur me miqtë tanë të Mercosur, por sepse sipas përkufizimit, kjo marrëveshje siç ishte konceptuar dhe menduar nuk mund të jetë në përputhje me axhendën tonë klimatike dhe të biodiversitetit”, shtoi Macron në Marsejë, në Kongresin Botëror të Unionit Ndërkombëtar për Ruajtjen e Natyrës (IUCN).
“Ne nuk mund ta përfundojmë sot kështu”, nënvizoi Macron, duke pretenduar se politika tregtare duhet të përfshijë klauzola pasqyruese në planin klimatik dhe në nivelin e biodiversitetit.
“Ne duhet të rizbulojmë politikat tona tregtare në mënyrë që ato të jenë në përputhje me politikat tona klimatike, me politikat tona të biodiversitetit, është një domosdoshmëri”, shtoi Macron. /AFP
