Madonna, Shakira dhe “BTS” do të jenë protagonistët kryesorë të spektaklit të pjesës së parë në finalen e Botërorit 2026, në atë që pritet të jetë një nga shfaqjet më madhështore në historinë e futbollit.
Finalja e Kupës së Botës do të zhvillohet më 19 korrik në New Jersey, ndërsa turneu organizohet nga SHBA, Kanada dhe Meksikë.
Për herë të parë, një finale Botërori do të ketë një spektakël të stilit “Super Bowl” gjatë pushimit mes pjesëve.
Shakira do të publikojë edhe këngën zyrtare të turneut me titull “Dai Dai”, ku do të bashkëpunojë me Burna Boy.
Këngëtarja kolumbiane rikthehet kështu në atmosferën e Botërorit pas suksesit të famshëm “Waka Waka” në vitin 2010.
Ndërkohë, “Mbretëresha e Popit”, Madonna, po përgatit publikimin e albumit të saj të ri “Confessions II”, ndërsa së fundmi surprizoi publikun në festivalin “Coachella” me një performancë së bashku me Sabrina Carpenter.
Edhe “BTS” do të rikthehen fuqishëm në skenë pas përfundimit të shërbimit ushtarak të anëtarëve të grupit.
Banda koreano-jugore, që ka shitur mbi 45 milionë albume, ndodhet aktualisht në një turne botëror dhe do të performojë në finalen e madhe të Botërorit.
Presidenti i FIFA-s, Gianni Infantino, e cilësoi këtë shfaqje si “një moment historik për Kupën e Botës”, ndërsa organizimi artistik i është besuar Chris Martin të grupit Coldplay.
Discussion about this post