Brenda vitit 2027 tarifat e roaming të Ballkanit Perëndimor me Bashkimin Europian do të reduktohen. Lajmi është bërë i ditur nga Sekretarja e Përgjithshme e Këshillit të Bashkëpunimit Rajonal, Majlinda Bregu.
Në një postim në Facebook, Bregu tha se kjo nismë do të jetë një lehtësim jo vetëm për qytetarët e Ballkanit, por edhe ata të Europës. Bregu zbuloi se sot kanë nisur diskutimet me BE-në.
“Qëllimi i radhës të cilin po përpiqemi ta bëjmë realitet të gjithë sëbashku, është reduktimi i tarifave roaming me Bashkimin Europian brenda 2027. Në mënyrë që ti sjellë përfitime të konsiderueshme jo vetëm qytetarëve të Ballkanit Perëndimor kur udhëtojnë në Bashkimin Europian, por edhe qytetarëve europianë që udhëtojnë, lidhin partneritete dhe bëjnë biznes në Ballkanin Perëndimor. Marzhet mesatare të fitimit nga shitja e shërbimeve roaming arrijnë deri në 700%. Kam besim, dhe uroj gjithashtu, që këto do të mbeten në të shkuarën”, tha Bregu.
Discussion about this post