Kryetarja e Bashkisë së Roskovecit, Majlinda Bufi në një intervistë për Gijotina.com ka treguar problematikat që përballet çdo ditë bashkia e Roskovecit. Bufi tregon sfidat e të qënurit kryetare bashkie, ndërsa tregoi se problematikë në këtë bashki mbetet regjistrimi i pronave të bashkisë dhe qytetarëve, por edhe ndotja e mjedisit në zonën e naftëmbajtëses Marinëz. Sa i takon pyetjes, në qoftë se do rikandidoj si kryetare bashkie përsëri, Bufi u përgjigj se kjo varet nga rrethanat politike që ndodhet vendi.
Intervista e plotë me kryetaren e bashkisë Roskovec, Majlinda Bufi.
Cilat janë 5 premtimet tuaja kryesore që i janë bërë elektoratit në zgjedhjet e vitit 2019?
Premtimet që janë dhënë në fushatën e zgjedhjeve të vitit 2019 janë:
Përmirësimin e furnizimit me ujë të pijshëm në të gjithë territorin e bashkisë Roskovec
Përmirësimi i menaxhimit të mbetjeve urbane
Ndërhyrje në rrugët e parcelave, duke krijuar hapësira për çdo rrugë parcelë dhe sistemimin e tyre me cakull.
Cilat pej tyre premtimeve janë mbajtur në dy vitet e para të mandatit ?
Nga premtimet e bëra në zgjedhjet e vitit 2019 janë mbajtur:
Aktualisht është zbatuar projekti për furnizimin me ujë të pijshëm në qytetin e Roskovecit. Është ndërtuar depo e re uji dhe furnizimi me ujë për qytetin është 24 orë.
Për Njësinë Administrative Strum është miratuar projekti për përmirësimin e furnizimit me ujë të pijshëm dhe aktualisht është në fazën e zbatimit.
Për Njësinë Administrative Kuman dhe Kurjan është bërë projekti dhe jemi në pritje të konfirmimit dhe financimit nga buxheti i shtetit.
Bashkia Roskovec ka lidhur memorandum mirëkuptimi me GIZ ku qëllimi i këtij memorandum është:
Hartimi i planeve lokale të menaxhimit të integruar të mbetjeve të ngurta.
Rritja e kapaciteteve të bashkisë për të zbatuar planin lokal për ,menaxhimin e mbetjeve.
Mbështetje dhe rritja e aktiviteteve të riciklimit dhe kompostimit.
Llogaritjen e nivelit të kostove dhe tarifave të shërbimit të pastrimit dhe planet financiare që synojnë mbulimin e kostos së shërbimit.
Fushata sensibilizuese dhe edukuese.
Aktivitete të tjera.
Fushata të tjera të bashkëpunimit që do të përcaktohet bashkarisht.
Aktualisht jemi në fazën e:
Përfundimit të projektit të hartimit të planeve lokale të menaxhimit të mbetjeve.
Ndërtimin e fushës për kompostimin e mbetjeve bimore.
Ndërtimin e fushës për grumbullimin e mbetjeve inerte.
Ndërtimin e qendrës së transferimit të mbetjeve urbane me destinacion përfundimtar në Incenerator, Fier.
Premtimi i dhënë për sistemim dhe shtrimin e rrugëve të parcelave.
Aktualisht, është bërë sistemimi dhe shtrimi i rrugëve:
Rruga e “Ngjanave”, Suk 1
Rruga në fshatin, Velmish.
Cilat janë problemet kryesore të bashkisë tuaj?
Disa nga problematikat në bashkinë Roskovec janë:
Problemi i regjistrimit të pronave të bashkisë.
Problemi i regjistrimit të pronave të qytetarëve.
Problematika e ndotjes së mjedisit në zonën naftëmbajtse të Marinzës.
Aktualisht për të minimizuar ndotjen mjedisore dhe gjithashtu jemi në proces pune për të mbyllur përfundimisht venddepozitimin e mbetjeve urbane aktuale në fshatin Marinëz, Njësia Administrative Kuman.
Cilat janë detyrat kryesore që prisni të realizoni brenda 6 muajve të parë të vitit 2022?
Aktualisht jemi në proces planifikimi dhe miratimin në këshill, të buxhetit për vitin 2022.
A e mendoni për të rikandiduar në zgjedhjet e ardhshme?
Në mbështetje të ligjit nr.139/2015 “Për vetqeverisjen vendor “Kreu X” Kryetari i bashkisë, neni 59” Kryetari i bashkisë” pika2. “Kryetari i bashkisë mund të zgjidhet dhe ushtrojë vetëm 3 mandate të njëpasnjëshme në krye të bashkisë, me të drejtë rizgjedhjeje” lejohet edhe një mandatë tjetër për të kandiduar.
Ky është mandatë i dytë që jam në krye të detyrës.
Për të qenë pjesë e kandidimit për një mandatë të tretë si kryetare bashkie do të varet nga rrethanat politike.
Discussion about this post