Një aksident i rëndë është shënuar pasditen e kësaj të hëne, në Berat, ku një makinë ka përfunduar në lumin Osum. Sipas policisë, në aksident ka humbur jetën nëna dhe fëmija e saj, 6 vjeç. Aksidenti ka ndodhur rreth orës 14:00, në rrugën urbane “Antipatrea”, në vendin e quajtur “Ura e re”.
“Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë.
Për pasojë kanë humbur jetën drejtuesja e mjetit dhe fëmija i saj rreth 6 vjeç.
Grupi hetimor në vendngjarje po kryen veprimet për zbardhjen e shkaqeve të aksidentit.”-njofton policia.
Discussion about this post