Një aksident i rëndë automobilistik ka ndodhur këtë paradite në Librazhd. Makina ka rënë në lumin Shkumbin dhe për pasojë 2 persona kanë ndërruar jetë. Viktima janë një burrë dhe një grua. Shtetasi Arjkan Yze dhe gruaja e tij Majlinda Yze ndërruan jetë në vendngjarje.
Ata ishin nisur nga Tirana mbrëmjen e djeshme dhe dyshohet se gjatë natës janë përfshirë në aksident. Autoritetet po punojnë për të nxjerrë nga makina trupat e pajetë të bashkëshortëve.
“Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.
Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet.
Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet.
Grupi hetimor vijon punën për zbardhjen e plotë të rrethanave të këtij aksidenti”, tha policia.
Discussion about this post