Makina del nga rruga, 3 persona përfundojnë në spital

Një automjet ka dalë nga rruga dhe për pasojë kanë mbetur të plagosur drejtuesi i mjetit dhe dy pasagjerë.

Aksidenti ndodhi rreth orës 17:15, në afërsi të fshatit Bratomirë. Sipas policisë, shtetasi me iniciale M. Sh., duke drejtuar një automjet tip “Benz”, doli nga rruga. Për pasojë u lëndua ai vetë dhe shtetasit me iniciale S. M., dhe E. Gj..

Të tre u dërguan në spitalin e Pogradecit, ku janë jashtë rrezikut për jetën.

Nuk dihet shkaku i humbjes së kontrollit nga ana e shoferit, ndërkohë që pritet hetimi i ngjarjes.