Makina del nga rruga/ 5 të plagosur në Qafë Thanë-Pogradec, mes tyre 2 të mitur

Një aksident i rëndë automobilistik ka ndodhur paraditën e sotme në aksin Qafë Thanë- Pogradec.

Sipas informacioneve paraprake, një automjet ka dalë nga rruga dhe për pasojë janë plagosur shoferi dhe 4 pasagjerë.

Mësohet se mes të lënduarve janë dhe 2 të mitur.

Aksidenti ndodhi rreth orës 01:45, në aksin rrugor Qafë Thanë-Pogradec, pranë fshatit Hudënisht.

Shtetasi M. B., duke drejtuar automjetin tip “Volksëagen”, dyshohet se ka humbur kontrollin mbi drejtimin e mjetit dhe ka dalë nga rruga.

Për pasojë janë dëmtuar drejtuesi i automjetit dhe 4 pasagjerë konkretisht dy shtetaset E. S; M. S., dhe dy të mitur, të cilët aktualisht ndodhen në spitalin e Korçës, të gjithë jashtë rrezikut për jetën.