Një aksident ka ndodhur këtë të Martë në Buqizë, ku një person është plagosur rëndë.
Sipas informacioneve të para nga policia, një automjet ka dalë nga rruga. Ramadan Meta, rreth të 20-tave, ishte drejtues i mjetit i cili ka mbetur i plagosur rëndë.
Ai është transportuar me helikopter drejt spitalit të Traumës në Tiranë, për mjekim të specializuar.
“Rreth orës 16:10 në aksin rrugor Fushë Bulqizë-Shupenzë, shtetasi R.M., duke drejtuar automjetin tip ‘Audi’, ka humbur kontrollin mbi drejtimin e mjetit dhe mjeti ka dalë nga rruga. Si pasojë ka mbetur i lënduar drejtuesi i mjetit i cili është dërguar për ndihmë mjekësore në spital. Në vendngjarje ndodhet grupi hetimor, i cili po punon zbardhjen e rrethanave të aksidentit“, njoftoi policia.
Discussion about this post