Një 44-vjeçar u arrestua nga policia për shkaktimin e një aksidenti në Tiranë ku mbetën të plagosur katër persona.
Policia bën të ditur se në pranga u vendos personi me iniciale A.D. 44-vjeç, i cili ka humbur kontrollin e makinës e për pasojë ka dalë nga rruga. Si pasojë e aksidentit, u plagosën katër persona të cilët u dërguan në spital dhe ndodhen nën kujdesin e mjekëve.
“Nga specialistët e Qarkullimit Rrugor u bë arrestimi në flagrancë i shtetasit A. D, 44 vjeç, pasi ka humbur kontrollin e mjetit dhe ka dalë nga rruga. Si pasojë janë dëmtuar 4 pasagjerët në mjet, të cilën ndodhen në spital, nën kujdesin e mjekëve”, njofton policia.
Materialet i kaluar prokurorisë së rrethit gjyqësor Tiranë për veprime të mëtejshme.
