Makina del nga rruga dhe shpërthen në flakë, plagosen nëna dhe dy fëmijët

Një aksident ka ndodhur pasditen e sotme në Belsh, ku një automjet ka dalë nga rruga dhe më pas ka shpërthyer në flakë.

Nga raportimet mësohet se të plagosur nga ky aksident kanë mbetur nëna dhe dy fëmijët e saj. Raportohet se nëna dhe dy fëmijët janë nxjerrë nga makina përpara se ajo të përfshihej nga flakët.

Të plagosurit janë transportuar drejt spitalit të Beratit për ndihmë mjekësore.

“Rreth orës 16:45, në aksin rrugor “Belsh-Kuçovë”, automjeti me drejtues shtetasin E. M., ka dalë nga rruga dhe për këtë shkak automjeti është përfshirë nga flakët.

Si pasojë është dëmtuar lehtë dhe po merr asistencë mjekësore vajza e shtetasit E. M., 8 vjeçe (pasagjere), e cila është jashtë rrezikut për jetën. Grupi hetimor në vendngjarje po punon për përcaktimin e rrethanave të këtij rasti”, sipas policisë.