Makina del nga rruga në aksin Korçë-Bilisht, ka të plagosur

Një aksident i rëndë me pasojë plagosjen e 2 personave ka ndodhur mëngjesin e sotëm në aksin rrugor Korçë-Bilisht, në afërsi të fshatit Cangonj.

Një mjet i shërbimit TAXI mësohet se ka dalë nga rruga duke shkaktuar 2 të plagosur.

Sipas policisë së qarkullimit rrugor aksident dyshohet të ketë ndodhur edhe për shkak të pranisë së madhe të ujit në rrugën nacionale pasi që nga orët e para të mëngjesit të sotëm ka pasur reshje të shumta shiu shoqëruar edhe me reshje dëbore.

Policia po heton për zbardhjen e ngjarjes.