Një aksident ka ndodhur në aksin nacional Tepelenë-Gjirokastër, në vendin e quajtur “Shkalla e Zezë” rreth orës 17:10. Automjeti tip “Peugeot”, me drejtues personin me inicialet R. K., ka dal nga rruga dhe ka përfunduar disa metra poshtë rrugës.
Për pasojë janë dëmtuar drejtuesi i automjetit R. K., rreth 35 vjeç, banues në Skrapar, pasagjerët, me inicialet J. T., 56 vjeç, banues në Greqi dhe S. C., rreth 50 vjeç, banues në Tepelenë, të cilët po marrin ndihmën mjekësore në spitalin Rajonal Gjirokastër.
Në vendngjarje kanë shkuar shërbimet e policisë, ndërsa grupi hetimor po kryen veprimet e mëtejshme për përcaktimin e shkaqeve të aksidentit.
