Një aksident me pasojë plagosjen e dy personave ka ndodhur ditën e djeshme në aksin rrugor Tepelenë-Gjirokastër. Lidhur me këtë ngjarje, policia bën me dije se ka vënë në pranga shoferin e mjetit që shkaktoi aksidentin.
Mësohet se makina ka dalë nga rruga në vendin e quajtur “Shkalla e Zezë”, teksa mjeti që drejtohej nga 33-vjeçari me iniciale R.K. përfundoi disa metra poshtë rrugës.
Nga përplasja u plagos vetë shoferi dhe një pasagjer të cilët janë jashtë rrezikut për jetën. Ndërsa prokuroria po vijon hetimet për zbardhjen e plotë të ngjarjes.
