Një automjet ka dalë nga rruga në aksin Korçë-Ersekë, në afërsi të fshatit Kamenicë. Si pasojë kanë mbetur të plagosur drejtuesja e mjetit, H.K 52-vjeç dhe dy të mitur, pasagjerë në mjet (nipi dhe mbesa).
Njoftimi nga Policia
Më datë 03.07.2023, rreth orës 18:15, në aksin rrugor “Korçë-Ersekë”, në afërsi të fshatit Kamenicë, Korçë, shtetasja H. K., rreth 52 vjeçe, banuese në fshatin Starje, Kolonjë, duke drejtuar automjetin tip “Jeep”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar lehtë drejtuesja shtetasja H. K. (gjyshja) dhe dy shtetas të mitur, pasagjerë në mjet (nipi dhe mbesa e drejtueses), të cilët ndodhen në spitalin e Korçës.
Grupi hetimor po punon për përcaktimin e shkakut të daljes nga rruga.
Discussion about this post