Makina del nga rruga, plagoset pasagjeri në Bilisht

Një makinë ka dalë nga rruga në afërsi të Bilishtit dhe për pasojë, një person është lënduar.

Raportohet se i lënduar ka mbetur pasagjeri i mjetit.

Njoftimi i Policisë:               

Devoll/Sot rreth orës 13:45, në aksin rrugor Bilisht-Poloskë, shtetasi K. F., duke drejtuar automjetin tip “BMV”, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga. Për pasojë ka marrë dëmtime shtetasi A. G., pasagjer në automjet, i cili u transportua në spitalin e Korçës dhe ndodhet nën kujdesin e mjekëve.

Me drejtuesin e automjetit K. F., po kryen veprimet e mëtejshme procedurale. Grupet hetimore po punojnë për sqarimin e rrethanave të këtyre ngjarjeve.