Pesë persona kanë vdekur dhe thuajse dyzet të tjerë u plagosën pasi një makinë hyri në një paradë në Wesconsin, SHBA. Një automjet sportiv i kuq ‘SUV’ kaloi nëpër një paradë të Krishtlindjeve në qytetin e Waukesha, në perëndim të Milwaukee, rreth orës 16:40 me kohën lokale.
Njëri nga banorët tha se sapo kishte përfunduar marshimin në paradë kur ndodhi incidenti. “Ne pamë një SUV… më pas dëgjuam një zhurmë të fortë dhe vetëm klithma e britma nga njerëzit që goditeshin nga automjeti,” tha ai.
Corey Montiho tha se ekipi i kërcimit të vajzës së tij u godit nga makina. “Derdhej çokollatë e nxehtë kudo. Më duhej të shkoja nga një trup i plagosur në tjetrin për të gjetur vajzën time,” tha ai për BBC.
Shefi i policisë, Dan Thompson tha se hetimi ishte drejt fundit, pasi policia ka qëlluar në drejtim të makinës në përpjekje për ta ndaluar atë mirëpo nuk mundi.
Shefi i zjarrfikësve Steven Howard u tha gazetarëve se departamenti i tij kishte dërguar 11 të rritur dhe 12 fëmijë në spitalet aty pranë pas incidentit. Departamenti i policisë së qytetit tha se shkollat publike të Waukesha do të mbyllen ditën e sotme.
Kryebashkiaku Shawn Reilly me anë të një postimi u shpreh se ngjarja ishte shumë “traumatike” për qytetin.
“Zemra ime është për të gjithë ata që janë prekur nga ky akt i pakuptimtë”, tha ai.
Mësohet se, FBI po ndihmon gjithashtu me hetimin.
Discussion about this post