Makina inteligjente dhe radarët e Policisë Rrugore të Fierit dhe Durrësit kanë monitoruar gjatë mbrëmjes së djeshme dhe orëve të para të mëngjesit qarkullimin në Bypass-in e Fierit dhe në rrugën “Lushnjë – Durrës”.
Sipas rezultateve të fundit, policia raporton se në këto akse janë evidentuar mjete me shpejtësi nga 142 km/h deri në 179 km/h, e si pasojë janë bllokuar 89 leje drejtimi, për afate nga 3 deri në 14 muaj, janë vendosur gjoba nga 20.000 deri në 80.000 lekë, si dhe janë hequr nga lejet e drejtimit, nga 10 deri në 13 pikë.
Makina inteligjente arriti të lokalizojë shumë drejtues shoferë, konkretisht u vendosën 157 masa administrative ndaj drejtuesve të mjeteve, të cilët gjatë punës së saj, për qarkullim me shpejtësi mbi normat e lejuara.
44 drejtues mjetesh u ndëshkuan për 3 shkelje njëherësh, për qarkullim me shpejtësi mbi normën e lejuar, për përdorim të celularit gjatë drejtimit të mjetit, si dhe për mosvendosje të rripit të sigurimit.
“Të gjitha akset rrugore monitorohen me makinën inteligjente dhe me flotën e re të automjeteve, të pajisura me bazë logjistike bashkëkohore ?, me qëllim evidentimin ? dhe ndëshkimin ✍ e atyre drejtuesve të mjeteve që qarkullojnë në rrugë??, me shpejtësi tej normave të lejuara.
Kthehu i sigurtë në shtëpi, respekto rregullat e qarkullimit rrugor! ✅”, shkruhet në njoftimin zyrtar nga Policia e Shtetit.
Discussion about this post