Një automjet raportohet se ka marrë flakë kur ka qenë në ecje pasditen e sotme në afërsi të Mulletit, në autostradën Tiranë-Elbasan. Automjeti është djegur plotësisht, ndërkohë që nuk dihen ende shkaqet e zjarrit që ka përfshirë automjetin.
Gjithashtu mësohet se nuk ka persona të lënduar, ndërsa automjeti është shkrumbuar plotësisht.
Në fotot e mëposhtme shihen momentet e para të ngjarjes, ku punonjës zjarrfikës po shuajnë flakët. Në vendngjarje ka mbërritur edhe policia e cila po punon për zbardhjen e plotë të situatës.
Discussion about this post