Makina në lëvizje merr flakë në autostradë

Një automjet në lëvizje është përfshirë nga flakët në Elbasan këtë të mërkurë.

Nga ngjarja nuk raportohet për persona të lënduar.

“Rreth orës 17:00, në aksin rrugor ‘Tiranë-Elbasan’, ka marrë flakë gjatë kohës që ka qenë në lëvizje, automjeti tip ‘Benz’, me drejtues shtetasin S.B., 41 vjeç. Si pasojë e zjarrit janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në automjet. Grupi hetimor po punon për përcaktimin e shkaqeve të rënies së zjarrit”, njoftoi policia.