Një i ri në Tiranë ka denoncuar në emisionin “Stop” në Tv Klan se në 4 Prill 2023 i kanë marrë lejen e qarkullimit në orët e para të mëngjesit. Sipas policisë, i riu nuk ka ndaluar në afërsi të Zogut të Zi, që sipas pamjeve filmike të siguruara nga “Stop” është kryer në orën 01:29 të mëngjesit.
Ndërkohë djali dëshmon, se ka qenë në zonën e Bllokut që në orën 22:00 të mbrëmjes së 3 Prillit dhe në orën 00:50 e ka parkuar makinën në një parkim privat në zonën e ish-Bllokut. Nga aty e ka marrë makinën në orën 03:30 të mëngjesit të 4 Prillit.
“Stop” ka siguruar pamjet filmike nga subjekti privat, që tregojnë se makina ka qenë aty në kohën, kur ka marrë gjobë, heqje leje qarkullimi dhe 6 muaj pezullim patente.
Sipas pamjeve, konfirmohet dëshmia e djalit që ekzaktësisht në orën 00:49, automjeti i të riut, tip Porsche Cayenne hyn në parkingun privat. Pasi parkon makinën, drejtuesi i shoqëruar nga dikush tjetër largohet nga automjeti. Makina vijon të qëndrojë në parkim deri në orën 03:20 minuta të mëngjesit të datës 4 Prill./tvklan.al/
Discussion about this post