Një makinë është përfshirë mbrëmjen e sotme nga flakët në dalje të tunelit të Krrabës në drejtimin nga Tirana për në Elbasan.
Burimet zyrtare nga policia bënë me dije se bëhet fjalë për një mjet të tipit “Benz”, me drejtues shtetasin me iniciale I.K., 23 vjeç, banues në Tiranë. Mësohet se mjeti është djegur pjesërisht. Si pasojë e flakëve nuk ka dëme në njerëz.
Punonjësit e zjarrfikëses ndodhen në vendngjarje, ku kanë ndërhyrë me shpejtësi të madhe për të shuar zjarrin.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
