Një makinë ka përplasur një të mitur 10-vjeçar në Kuçovë.
Ngjarja ka ndodhur në hyrje të qytetit. Mësohet se fëmija ka qenë duke kaluar rrugën.
I mituri është dërguar në Spitalin Rajonal të Beratit.
Fëmija dyshohet se ka hyrë në rrugë me vrap, duke ia prerë rrugën mjetit.
Ndërkohë po punohet për zbardhjen e plotë të rrethanave të ngjarjes.
‘Rreth orës 20:30, në vendin e quajtur “Lapidari”, Kuçovë, një automjet që drejtohej nga shtetasi E.B, ka aksidentuar një shtetas të mitur 10 vjeç, këmbësor.
10-vjeçari ndodhet nën kujdesin e mjekëve, pa probleme për jetën.
Drejtuesi i automjetit është shoqëruar në Komisariatin e Policisë për veprime të mëtejshme.
Grupi hetimor ndodhet në vendin e ngjarjes dhe vijon veprimet hetimore për zbardhjen e plotë të rrethanave dhe shkakut të aksidentit”, njofton policia.
Discussion about this post