Një 36-vjeçar nga Tirana është vënë në pranga pasi ka aksidentuar rëndë një tjetër 36-vjeçar në Durrës.
Mësohet se personi i arrestuar ndërsa drejtonte mjetin e tij tip “BMW” në gjendje të dehur, është përplasur me një mjet bujqësor që po drejtohej nga 36-vjeçari me iniciale I.V.
Sipas njoftimit të policisë, aksidenti ndodhi në aksin rrugor Gjiri i Lalzit – Maminas, në Shijak. Ndërsa, personi i plagosur u transportua drejt Spitalit të Traumë në Tiranë, ku ndodhet në gjendje të rëndë për jetën.
Materialet i kaluan Prokurorisë së Rrethit Gjyqësor Durrës për veprime të mëtejshme.
