Makina përplas ambulancën në Tiranë, dy të plagosur

Një aksident me pasojë dy të plagosur ka ndodhur pasditen e sotme në Tiranë.

Burime bëjnë me dije, se rreth orës 18:20, në rrugën e “Rinasit”, janë përfshirë në aksident mjeti me drejtues E. B., me ambulancën e spitalit të Fierit.

Si pasojë e aksidentit, janë dëmtuar pacientja që ndodhej në ambulance me inicialet K. V., 26 vjeçe, dhe pasagjerja e mjetit tjetër 38-vjeçarja, R. B., të cilat ndodhen në spital, jashtë rrezikut për jetën.

Dyshohet se shkak i aksidentit ka qenë një parakalim i gabuar.

Grupi hetimor ndodhet në vendngjarje dhe po punon për sqarimin e rrethanave të aksidentit.