Një aksident me një të plagosur ka ndodhur në unazën e qytetit të Lushnjës. Një automjet Volvo me targa AB 190 ON ka përplasur një person që kalonte në rrugë me biçikletë.
Nga përplasja është lënduar Hasan Turku rreth 65 vjeç, i cili është dërguar me urgjencë në spitalin e Lushnjës.
Policia po dokumenton ngjarjen dhe provat dhe po disiplinon trafikun. Dyshohet se 65- vjeçari i ka dalë përpara papritur mjetit tip Volvo që e ka goditur me pasqyrë.
Aksi rrugor i njohur si Unaza e Lushnjës është rikonstruktuar së fundmi si zgjidhje për trafikun qytetas dhe autimjetet lëvizin me shpejtësi të lartë, kryesisht mbrëmjeve.
Discussion about this post