Makina përplas këmbësorët, 3 të plagosur. Njëri në gjendje të rëndë

Një aksident me pasojë plagosjen e tre personave është regjistruar pak minuta më parë në Bulqizë.

Një automjet ka përplasur qytetarët, duke plagosur 3 persona. Të lënduarit janë transportuar në spitalin e Bulqizës, ku kanë marrë ndihmën e parë.

Njëri prej të lënduarve ndodhet në gjendje më të rëndë shëndetësore dhe pritet të niset me helikopter drejt Tiranës. Shoferi është larguar nga vendngjarja.

Polica dhe grupi hetimor ndodhen në vendngjarje, ku po punojnë për zbardhjen e shkaqeve të aksidentit.

Bëhet me dije se shtetasit Idajet dhe Sude Gjoka pritet të nisen drejt Tiranës.