Makina përplas motomjetin në Fushë-Krujë, plagoset një grua

Policia e Fushë-Krujës informon se një aksident ka ndodhur këtë mbrëmje në këtë zonë.

Sipas bluve, një automjet u përplas me një motomjet, që drejtohej nga një grua. Për pasojë, gruaja u plagos.

“Rreth orës 19:45, në Fushë Krujë, një automjet me drejtues shtetasin V. B., 33 vjeç, ka përplasur motomjetin me drejtuese shtetasen F. S., rreth 45 vjeçe, e cila ndodhet nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.